એક મુસાફર (બીજા મુસાફરને)ઓ ભાઈ, ટ્રેન સમયસર તો આવશે ને?
બીજો મુસાફર : ના રે ના, ટ્રેન તો પાટા ઉપર આવશે.

~~~~~~~~~~~~~~~~~~~~~~~~~~~~~~~~~~
એક પતિએ પત્નીને તમાચો માર્યો. પત્ની ગુસ્સે થઈ ગઈ.
પતિ બોલ્યો : માણસ કોને મારે ? જેને એ પ્રેમ કરતો હોય.
પત્નીએ ડાબા હાથની બે ઝીંકી દીધી : તમે શું સમજો છો ? હું શું તમને ઓછો પ્રેમ કરું છું ?
~~~~~~~~~~~~~~~~~~~~~~~~~~~~~~~~~~
શિક્ષક - બોલો, ફર્સ્ટ એડ કોને કહેવાય ?
પપ્પૂ - જી, છાપામાં છપાયેલી પહેલી જાહેરખબરને.
~~~~~~~~~~~~~~~~~~~~~~~~~~~~~~~~~~

એક જગાએ જૂની ચીજોની હરાજી (લિલામ) થતી હતી. ત્યાં ભીડમાં એક મહાશયનું પાકીટ ખોવાઈ ગયું જેમાં સાત હજાર રૂપિયા રોકડા હતા. મહાશયે આગળ આવીને જાહેરમાં કહ્યું : 'મારું એક પાકીટ હમણાં ખોવાયું છે. તેમાં સાત હજાર રૂપિયા રોકડા છે. જે કોઈને મળ્યું હોય તે મને આપી જશે તો તેને પાંચસો રૂપિયાનું ઈનામ હું આપીશ.'
ટોળામાં છેલ્લે ઊભેલા એક માણસે કહ્યું : 'આપણા સવા પાંચસો….!'

~~~~~~~~~~~~~~~~~~~~~~~~~~~~~~~~~~
એક બાળક તેના ઘરે મેહમાન આવે છે ત્યારે - આવી જાવ, કૂતરાથી બીશો નહિ.
મહેમાન - કેમ, કૂતરો કરડતો નથી ?
બાળક - એ જ તો મારે જોવું છે, પપ્પા આજે જ આને ખરીદી લાવ્યાં છે.
~~~~~~~~~~~~~~~~~~~~~~~~~~~~~~~~~~
સંતાને 5 નંબરની બસમાં જવું હતું. બંતાને 7 નંબરની બસમાં જવું હતું. ઘણી વાર રાહ જોયા પછી 57નંબરની બસ આવી. રાજી થઈ બંને ચઢી ગયા.
~~~~~~~~~~~~~~~~~~~~~~~~~~~~~~~~~~

એક સ્ત્રીએ એક ફકીરને કહ્યું : 'તું જુવાન છે, તાકાતવાન પણ છે, તો પછી મહેનતમજૂરી કેમ નથી કરતો ?'
'અને તમે પણ એટલાં બધાં સુંદર છો કે ફિલ્મની હીરોઈન બની શકો તેમ છો, છતાં સ્ટુડિયોમાં જવાને બદલે ઘરમાં કામ કેમ કર્યા કરો છો ?' ફકીરે કહ્યું.
'ઊભો રહે તારા માટે કાંઈક લઈ આવું.' ખુશ થઈને સ્ત્રી બોલી.

~~~~~~~~~~~~~~~~~~~~~~~~~~~~~~~~~~
શિક્ષક : છોકરાઓ, સાયક્લોન એટલે શું ?
છોટુ : હું કહું સાહેબ.
શિક્ષક : હા, બોલ ને ! સાઈક્લોન એટલે ?
છોટુ : સાઈકલ ખરીદવા માટે જે લોન આપે ને…..એ …
~~~~~~~~~~~~~~~~~~~~~~~~~~~~~~~~~~
નટુ તેના પિતાના મૃત્યુ અને બેસણાની જાહેરખબર છપાવવા એક છાપાની ઑફિસે ગયો. જાહેરખબર વિભાગના કર્મચારી ગટુએ તેને કહ્યું : 'જાહેરખબરનો દર એક કોલમ સેન્ટીમીટરના 300 રૂપિયા છે.'
આ સાંભળીને નટુ બોલ્યો : 'હું તો લૂંટાઈ જઈશ. મારા પિતાની ઊંચાઈ 182 સેન્ટીમીટર હતી.'
~~~~~~~~~~~~~~~~~~~~~~~~~~~~~~~~~~

એક ધનવાન પતિએ પોતાની પત્નીને જણાવ્યુ - હુ પોતાની કોલેજ લાઈફને કારણે ઈલેક્શન હાર્યો.
પત્નીએ પૂછ્યુ - કોલેજ લાઈફને કારણે ? પણ તમારી કોલેજ લાઈફ તો વીતી ગઈ છે.
પતિએ જવાબ આપ્યો હા, વાત એમ છે કે લોકોને ખબર પડી ગઈ કે હુ કોલેજ લાઈફમાં એક સમયે આઠ-દસ છોકરીઓ સાથે દોસ્તી કરતો હતો.

~~~~~~~~~~~~~~~~~~~~~~~~~~~~~~~~~~
માલિકે ગુસ્સામાં નોકરને કહ્યુ : હું એક કલાકથી ડોરબેલ વગાડી રહ્યો છું.
નોકર બોલ્યો : 'તમે માલિક છો. એક કલાક શું, આખો દિવસ ડોરબેલ વગાડી શકો છો.
~~~~~~~~~~~~~~~~~~~~~~~~~~~~~~~~~~
પુત્ર - પપ્પા તમે મને આંખને બદલે દાંતનો ડોક્ટર કેમ બનાવવા માંગો છો ?
પપ્પા - મૂર્ખ એટલી ખબર નથી પડતી, માણસોને આંખ માત્ર બે જ હોય છે, જ્યારે દાંત 32.
~~~~~~~~~~~~~~~~~~~~~~~~~~~~~~~~~~